袁國勇教授親自單手操作皮裏注射BioNtech，見到都肉痛。
睇住深水埗琦興餐廳落手落腳送飯去西九的阿D今日幫襯，食住雞煲，猛話如果有得選，唔會投白票，一定選袁教授。剛食完天水圍榮少喇沙，過MK買咗雞蛋屋話等陣約咗人去天后甜姨姨的熟客，串串貢答嘴：鬼有得投！我當區的議員拉咗，直選和初選那兩個一樣拉埋！從大角嘴素菜店走肉朋友到JB Kitchen都搵緊的台灣鳳梨，話Gold Water有貨，甜品控指長沙灣的甜一刻與桂林街壺說，應該好快有鳳梨專屬產品上架。佐敦糖水雄的粉絲就話：就算得返10席直選，都有得發揮！自稱大哥真係好中意鴨脷洲越大哥的茶客舉拇指贊成：到時寫晒成支榮光歌詞落選票度，推廢票率到歷史高位！住在界限街潮店潮州人附近的街坊做出兩個手指心說：忠誠的廢票生涯，食碗大蜆花膠米！去慣白加士街開餐，專登兜去廣華街皇茶的食家，今日轉場過海幫襯灣仔如意冰室與新嘉美，順路餵吓老區的街貓，再坐唔裝安心鹿的叮叮去上環，買Jacomax回家宵夜。他請我在這裏廣傳：24孝老公不在身邊的張太，為了肚裏BB，記得食好啲。