太極樂隊成員唐奕聰（Gary）本月2日疑因心臟病在家猝逝，終年57歲。與他相識逾30年的DJ陳海琪，昨晚在港台節目《悠長假期》為故友製作紀念特輯，太極隊友雷有輝、鄧建明（Joey）、劉賢德（Hi Fi德）、草蜢三子等齊齊悼念。
雷有輝透露驚聞噩耗後，與老婆在家不停喊，「佢對我親兄弟看待，我有感情問題會攬住撲喺佢心口度，好似攬住個溫暖嘅枕頭，好有安全感。試過練歌時佢彈錯一個音符，我突然發好大脾氣，好彩嗰晚我有打畀佢say sorry！」Hi Fi德公開Gary農曆年前的最後短訊錄音，當時Gary請教他修理唱盤，Hi Fi德說：「講好咗你攞個唱盤嚟畀我整，點解你咁早走咗？」吳國敬亦指入行第一個認識的鍵琴手就是Gary︰「佢編曲嘅《純真消逝》精采絕倫！」陳海琪重播去年Gary為紀念張國榮逝世17周年的錄音，Gary的一句：「希望好快有得同你玩音樂啦！」令人欷歔。