巴黎聖日耳門前鋒莫路伊卡迪嘅老婆娜拉，成日都會喺ig分享性感相。呢位34歲嘅模特兒日前又再次喺ig派福利，佢今次就上載咗一張自己剩係着住一件黑色內衣，露出驕人事業線嘅相，喺caption度佢就呼籲各位球迷喺疫情期間要繼續留喺屋企抗疫。雖然佢似乎有啲圖文不符，但佢嘅粉絲當然就唔介意啦，仲有好多人喺下面留言讚佢好性感㖭。娜拉早前就喺訪問就話，情人節最好就係幫老公伊卡迪下廚煮番餐，唔知伊卡迪星期三踢完歐聯次回合之後娜拉又會點慰勞佢呢？