關心妍、孫慧雪及張美妮主持網台ChillGOOD節目《靚媽圍爐》，前晚播出第三集靚媽們大談生仔秘技。孫慧雪亦指陀囝囝前子宮有達8cm大的朱古力肌瘤，陀B初期又發現下體滴血，要打安胎針保胎，她更笑謂祖母教她做愛後「唔可以落床」，並說：「對腳記得要向上，要keep住十幾分鐘，最爆係講呢樣嘢畀我知嘅人係我阿嫲！」
關心妍爆30歲婚後一直造人，惟七年仍未見起色，她試盡各種方法，更指自己打排卵打到似食菜︰「西醫check過晒都唔得，轉食中藥，點知食到心律不正，啲藥太補，我氣血虛弱不受補，成年心跳好似坐過山車咁，我一直有浸腳暖宮，用熱水袋敷肚，飲南棗水，所以女人要生仔，身體溫度暖係首要。」最終於2016年終誕下女兒楊榮心。