周四西班牙盃四強次回合，利雲特同畢爾包喺法定時間踢成1:1，2回合踢成2:2平手要加時，結果畢爾包喺加時憑住阿歷斯比倫古亞禁區頂推順起腳省中對方後衞彈入，總比數險勝3:2殺入決賽，將喺4月同巴塞隆拿爭冠。由於上屆西盃決賽畢爾包對皇家蘇斯達，因疫情延至今年4月初舉行，意味住畢爾包有機會喺1個月內2次捧走西盃。