【本報訊】有市民維修手機後，疑手機被送中外洩私隱，網絡保安專家指，維修手機或電腦十分高危，易被偷資料，建議機主維修前為手機加密，登出所有應用程式，並開啟雙重認證，以免載有敏感內容的通訊軟件、電郵遭竊取資料，「最好眼見望住佢整啦，𠵱家好多都有呢種服務，甚至上門整添」。
香港互聯網協會網絡保安及私隱小組召集人楊和生（圖）指，維修時手機或電腦，維修商一般要求機主提供密碼，方便維修後測試，「但係（手機）內容就會完全睇晒」，包括相簿、聯絡人資料，甚或牽涉私隱的應用程式如fb、Signal、Gmail等。他建議機主先登出所有應用程式，開啟雙重認證，「可以加額外密碼嘅都要做」。
但若顯示屏損壞，操控手機有難度，「咁嘅情況下，登出、雙重認證多數係有網頁版嘅App先得」。楊指建議機主到官方或代理維修商，到坊間小店亦要揀選具商譽的、最好能「眼見去做」，指現有不少維修服務僅花半至兩小時，甚至有人會帶齊配件上門。
另有維修店主提醒機主留意店舖工具配置是否足夠，如有沒有添置真空機、壓屏幕機、激光機、風槍等，「睇吓儀器夠唔夠，投資得咁多工具去做生意，都唔會係立心想偷你手機或者資料啦」。