前阿仙奴球星奧斯爾似乎未黑完！自從今年1月轉投土耳其球隊費倫巴治後似乎諸事不順。費倫巴治周四主場迎戰中游球隊安塔萊亞，開賽12分鐘就先失守，連續五場正選嘅奧斯爾，完半場前本來有一次黃金機會，點知起腳貼柱出界，踢咗七場波仲未開齋兼冇助攻，自己仲喺67分鐘唔小心扭傷足踝，要由擔架抬離球場，都咪話唔黑仔。而費倫巴治最終由安拿華倫西亞追平1:1。