周六英超力爭護級的榜尾球隊錫菲聯主場迎戰修咸頓。錫菲聯上仗一球小勝阿士東維拉重回勝軌，士氣大振；反之修咸頓近況低迷已四場不勝，今仗作客讓平/半未必讓得起，寧撐錫菲聯下盤。（球賽編號：星期六38；now621台今日11:00pm直播）
錫菲聯早前雖聯賽四連敗，但上仗主場面對維拉，上半場有球隊首席射手麥哥迪克建功，下半場早段就算有中堅菲臘積基爾卡領紅，但10人應戰的錫菲聯亦能保住勝局，搶得三分。事實上，球隊近期主場表現不俗，近6場取得4勝2敗，今仗面對近況不穩的修咸頓，可看好。
另邊廂，修咸頓聯賽已9輪不勝，錄得1和8負，聯賽作客亦已五連敗，表現令人擔憂。球隊傷兵問題是表現下滑的原因之一，正選防守中場奧里奧爾羅美奧因傷提早收「咧」，利物浦借將南野拓實及右閘獲加彼德斯同因傷上陣成疑，陣容殘缺不堪，今仗造訪錫菲聯失分機會大。
同日，阿士東維拉主場鬥狼隊，維拉進攻核心基亞利殊仍養傷，惟另一中場大將巴克里表現失準，令球隊前場組織力大減；狼隊同樣面對鋒線乏力的問題，柏度尼圖及艾達馬查奧爾充當前鋒的效率不高，季中外借救亡的中鋒韋利安荷西在狼隊仍未開齋。在兩軍攻力不強下，可考慮「入球大細」中位數[2.5球]的「細」。（球賽編號：星期六73；now621台明日1:30am直播）
文：港生