樂隊Dear Jane成員黃天翱（Tim）與太太楊洛婷昨日到觀塘出席有關李小龍為主題的攝影展。預產期在今年7月的楊洛婷重了13磅，自言肚和屁股較圓潤，阿Tim笑說：「以前佢好弗㗎，𠵱家難攬咗，坐上我度好重。」夫婦二人留待出世一刻才公佈BB性別，楊洛婷更透露打算直播公佈：「我計好晒角度，只係影到BB出世，上一胎老公拍片，佢影到我三個下巴，啲片用唔到，今次諗定點拍得我靚啲。」
楊洛婷表示女兒見她孕肚漸大也十分好奇，間中趁她沖涼想拍照：「佢問我肚入面係咪有異形，我解釋話有恐龍，仲問我BB出世會唔會咬佢，啲問題好得意。」稍後，她會影一輯懷孕相集，由阿Tim設計概念。