好人一生平安，民政署唔like，反而成為香港人金句，開口次數超越恭喜發財，初一講到依家。「狂舞派3」戲中最貼地的角色是執紙皮婆婆，說了N次，好人一生平安。
香港228大拘押的47人遙遠聽到了，全香港人念茲在茲，47人一生平安。被主控官與律政司玩殘72+小時的被捕者，47份平均分，不會被一個Dxx號碼蓄意降呢羞辱到。劉偉聰大律師的D16，不會折損他優雅的氣質。D16，充其量是一隻生鏽戰機，從地獄式政治迫害的灰色天空低飛，發出機件老化的唬人巨響，兇你當助攻！D！唔鳩驚得咁多！患難時狂舞當歌，歡迎嚟到呢座城市：都市下沉中/制度穿晒窿/響起警鐘/我哋繼續街頭播種……係時候解封/捍衛自由/係時候發功/我哋為咗發夢/可以去到幾盡？好人發夢，拘押去盡，殺雞取卵，正在發生中。我以為後生仔會怯，但午飯時鄰枱三個黑衣食客猛咁講日韓人士入境大陸被迫做肛門拭子，模擬動作多多，笑作一團噴飯。專家指菠蘿與鳳梨有分別，那麼肛拭與通櫃的愛國交叉版本，就是通拭。怪不得！通識被爆肛，高官常秘，坐立不安！