上周推介荷甲榜首大戰，燕豪芬（PSV、紅白衫）最後階段失守，俾阿積士逼和1:1，睇形勢PSV要爭冠軍就真係好難，不過面對阿爾克馬爾嘅後上氣勢，要保住次席都唔容易。下周日雖然就作客，不過冇歐霸盃負擔，點都用番最強陣容，炒得起幸運薛達，「讓球主客和」「客勝」可以做重心。
其實講人腳，燕豪芬絕對唔差得過阿積士好多，好似踢過阿仙奴嘅當耶爾馬倫，有身位有速度有射術；伊巴謙辛加尼神高神大，成個後生版耶耶托尼咁，未來幾年都會出歐洲大球會搵食。不過PSV戰績及唔上阿積士，好大程度係教練施密特成日玩輪換，好多時收起主力，搞到戰績浮動。好嘞，上圈歐霸盃就俾奧林比亞高斯淘汰，下星期周中冇波踢，連埋荷蘭盃都輸俾阿積士出埋局，今季真係得番荷甲爭，仲邊使留力。更難得係伊巴謙辛加尼停賽復出，叉足晒電，今場一定搏老命。
海外博彩公司平均值，PSV客W就1.51倍，既然信得過PSV攻力，就直接求有分頭嘅「客勝」啦。幸運薛達位處中游，近況都算唔錯，上仗僅敗格羅寧根，先兩連勝告終，不過主場戰績麻麻，對住阿積士、飛燕諾等前列分子都輸波，級數只食到同級分子，對真正強隊就好難偷雞。
同日另一場夜啲嘅荷甲，就揀維迪斯主場對阿爾克馬爾開「大」。上星期捧AZ對家，結果就損手，AZ大炒飛燕諾4:2，不過後防都唔算穩陣，連續三場有失波，維迪斯近期亦當銳，2連勝入6球，兩隊鬥攻，就梗係揀個入球「大」。
文：Goal進
截稿前馬會尚未開盤，盤口僅供參考，讀者記得留意足智彩網頁。
燕豪芬今季荷甲五場作客勝仗，全部贏對手兩球或以上。