懷孕八個月的胡杏兒昨日在銅鑼灣出席小兒濕疹藥膏代言活動,她透露預產期將至,屆時會選擇順產。杏兒笑說:「希望佢快啲出嚟,因為開始重,醫生話佢已經五磅幾,我自己就重咗20幾磅。」至於BB的性別,杏兒表示要保密。
提到她密密接job,年三十晚更撇低家人北上,參與內地央視春晚,她說:「春晚之後就冇喇,跟住喺屋企湊仔,然後就呢個活動。」有傳她在內地三個月已賺300萬人民幣,杏兒聞言笑笑口:「我要返去計吓數先。」對於曾志偉回歸無綫出任高層,杏兒表示如有合適工作都會接,指無綫始終是她的娘家。提到價錢不及內地,她笑說:「對娘家又唔可以講錢,最緊要開心。」