法國名宿亨利上年11月先開始執教美職嘅CF蒙特利爾，但禮拜四就宣佈要辭去教練一職：「由於疫情關係，我返唔到去倫敦見自己嘅仔女。我好掛住佢哋，所以決定離開球隊。」呢位前阿仙奴球星育有1子1女，11歲嘅囡囡Tea係佢同前妻所生，而囝囝Tristan就係佢同現任女友嘅愛情結晶品。有傳蒙特利爾想搵巴迪斯圖達執教。