趣趣地:熱刺兵批摩佬訓練無聊

趣趣地:熱刺兵批摩佬訓練無聊

據英國傳媒報道,有部份熱刺球員(圖)對於領隊摩連奴嘅訓練方式覺得無聊,仲話好懷念前主帥普捷天奴嘅執教方式咁話。熱刺近期成績不振,球隊訓練就專注改善防守表現,希望做到防守時唔會犯任何錯誤,令到好多球員覺得訓練無聊,之前對利物浦賽前,摩佬仲花咗幾個鐘喺掟界外球訓練。由於球員喺訓練場未有太多進攻上嘅訓練,落到場就淨係識將個波交畀哈利卡尼同孫興民。對於球隊近期陷入低潮,摩佬喺歐霸賽前記者會話:「冇一個主帥喺整個執教生涯都係晴天嘅。」