男子組合ERROR成員吳保錡，早前疑背正印女友偷食「沙律」張沛樂，形象插水，加上早前玩直播被嘲似八両金，他不忿爆粗大罵，觸怒網民發起「全民踢保」行動，保錡前晚終於認衰，並宣佈暫別ERROR。
保錡在Ig發文：「講咗好多次重新出發，依然欠大家一個交代，意識到之前處理感情事做得唔好，我要面對自己嘅錯，出嚟同大家再次道歉。」為免連累兄弟，保錡決定暫別ERROR：「喺完成手頭上已開始嘅工作後，所有工作將會暫停，希望唔好累到其他兄弟。」ERROR經理人阿濟回覆《蘋果》表示：「呢個係保錡自己決定，佢事前都有同公司傾。」《造星》監製黃慧君（花姐）表示尊重保錡決定：「畀啲時間佢沉澱，知道佢今次好內疚。」