【本報訊】自農曆年廿九（10日）政府暫停封區，相隔13日，昨晚出現牛年第一封。政府昨晚突閘圍封新蒲崗錦榮街的金橋大廈和東誠大廈，消息再次事先張揚，不少店舖提早落閘。今次被封的金橋大廈有一宗確診，一街之隔的東誠大廈零確診下仍被封，居民抱怨擾民。昨晚民政事務局局長徐英偉到場視察，問及未來會否繼續封區，徐笑着預告「畀我有得唔封，梗係繼續唔封區啦」便乘車離去。
政府解釋因金橋大廈近期出現確診個案，加上兩廈樓齡較舊，劏房普遍，認為感染風險較高，決定查封強檢，居民要凌晨2時前檢測，目標是今早7時完成。昨新增三宗無源頭個案，其中一人住金橋大廈。
封區傳聞早於傍晚近6時傳出，晚上7時記者到場發現金橋大廈和東誠大廈地面10多間食肆，包括雜貨店，麻雀館都悉數落閘，街頭一片烏燈黑火死寂。
家住東誠大廈的鄺女士晚上9時回家，見到大廈被封十分愕然，擔心女兒未能趕及今早出門上學，屆時女兒自己都要請假。鄺承認東誠大廈衞生惡劣，垃圾桶擺梯間，又見過口罩隨處棄。黃大仙區議員郭秀英批評封區擾民，政府事前未知會當區議員，「街坊會好驚，早啲同我哋講，可以早啲做事前工作」。
昨晚10時，民政事務局局長徐英偉前來錦榮街視察及慰問防疫人員，逗留20分鐘離開。徐返回座駕時未有停低行近傳媒發言，當時有記者詢問「打完針有冇肌肉痛」，徐表示「好精神呀」；另有記者就事隔近兩周再封區提問「係咪繼續封區呀」，徐笑言「畀我有得唔封區，梗係繼續唔封區啦」，之後登上座駕離開。