林雅詩（Grace）昨日以健康產品大使身份，去到長沙灣出席宣傳活動。上月度過43歲生日的Grace，因疫情關係，只能在家與朋友慶祝，其15歲兒子因為於英國留學，只能跟她視像祝賀，她說：「雖則有視像聯絡，但感覺唔開心，因為唔可以見面擁抱。」對於兒子有否拍拖，林雅詩笑言希望兒子早些拍拖，多點見識，至於會否接受兒子有外籍女友，林雅詩則表示沒所謂。
與馬天樂分手的Grace，早前經朋友介紹相士指點迷津，她說：「相士話我只可以喺愛情同事業之間二選其一，𠵱家會選擇事業，嚟緊有意喺香港做飲食生意，𠵱家租金平咗，想趁低吸納，考慮獨資經營唔使煩，如果做飲食生意，預計要投資六、七位數字。」