輝瑞疫苗被蓄意截糊，係咁的，假如全班高官擼起衣袖迎接英德美帝國藥廠的恩物，政治如此不正確，殺無赦㗎嘛。科興搶閘，局長得以含淚大呼謝主隆恩，這才是「愛國者治港」的垂範。科興差了重要數據欠穩妥，成班醫衛專家er er Sir上身，滿口「我相信」、「應該係」，姓曾專家說「數字僅參考不應睇得太實」。實則虛之，被打者最想了解，打完科興，避得過強國至激的肛檢嗎？高官勒緊褲頭，郭議員唔使提大家乜乜菊花，武漢人民逢年初一都會帶菊花去掃墓，拜祭去年身故的親人。今年武漢一菊難求，炒到一支120人民幣都買不到。似水牛年，歲月黃菊（郭議員成功篤灰，香港仔欲打變色政府工，要染定紫+橙！）高官議員做針騷，收視率拍住大台，廿蚊張打咗，安心流口水，曾局長再唔怕立法會孤單一個，大把人陪佢瞓。
沒有最毒，只有更毒，科興來貨一百萬劑，假如下個月兩會一聲令下，打咗科興才允許投票選立法會，得50萬人合資格，大灣區一屋23票都慳返，「愛國者」贏柒條街！