支聯會為創會主席司徒華逝世10周年搞咗個專題展，但六四紀念館因疫情閉館，專題展要改網上舉行，隨疫情放緩，六四館明日會復館，專題展亦會走回實體。
噚日支聯會核心成員喺六四館宣佈復館，同時公佈華叔逝世10周年專題展開始，邀請市民預約參觀。專題展將首次展出華叔嘅手稿實物，亦會展示華叔喺維園寫揮春時嘅文房四寶；為答謝到場參觀的巿民，亦會送上印有華叔墨寶嘅茶包。
支聯會主席李卓人話，華叔生前講過民主路上「成功不必我在，功成其中有我」，當中豁達心態十分值得香港人參考，「咁樣我哋可能會沉實啲，去面對我哋嘅未來」。至於擔唔擔心政府好似封殺維園年宵攤檔咁封殺展覽？阿人話𠵱家政府紅線難以預測，呼籲巿民盡早把握機會到場參觀。
市民要預約睇專題展，可以去呢個網站：http://bit.ly/64exhibit登記，又或者Signal去6797 8841、WhatsApp去2459 6489，再唔係電郵去[email protected]預約都得。
李八方