林作日前寸百億富三代鍾培生做KOL豪派100萬，乃抄襲他早前「籌100萬請人」的概念，辣㷫鍾培生掟百萬向他下戰書挑機隻揪。林作前日表示「才子動口不動手」，建議對方來一場世紀辯論，不過昨午3時，他改變主義在fb宣佈應戰：「各位，本人正式宣佈：我接受挑戰。詳細資料需要和鐘（鍾）生夾下，請大家稍候。Let’s go. No pussy. 我從未龜縮過。打殘鍾培生計劃，由今日開始。」鍾培生不甘示弱，指林作寫錯其姓氏，寸嘴說：「我從來唔打女人，你將會係第一個，我會打到你記得我個鍾字點寫。Sign the fxxking contract. No bullshit let’s go！」雙方擬於今日簽生死約。
林作在帖文中將鍾培生經常掛在口邊的「No bullshit let go.」改成「Let’s go. No pussy（陰道）」，連前女友麥明詩都忍不住向他開火，在fb以英文鬧爆：「你哋兩個打還打，不要再貼性別標籤，陰道不比陽具弱。你們的母親生你養你比你們更有勇氣和力量，別再將軟弱和怯懦拉落女人身上。」網民讚好， 留言：「好彩你同佢分咗手。」其實之前她和麥爸爸都指期待這場賽事，又有指鍾培生為了追她而向林作挑機。
林作昨日回覆《蘋果》指從沒想過龜縮︰「係啲網民想啫，只係我冇概念，連拳賽係乜都唔知。之前玩過純為keep fit，所以我係初哥。」他打算用三個月時間練習：「我踢開波水平高，我係業餘足球聯賽嘅『神射手』兼『最佳球員』，下盤好穩實、速度又快，好少輸。」對於鍾培生指「全香港人都想揼林作」，他表示榮幸：「大家咁睇得起我係一種讚譽，亦證明我身價，一場100萬，作為起步價我接受。」問到會怎樣用100萬？他說：「加重份人壽，畀邊個？愛我啲人囉。裕美都想我應戰，佢都想我俾人打，話最重要唔好打死。」
鍾培生說：「阿媽噚日好擔心，話叫我唔好打死佢，佢𠵱家念緊佛。」問到會否直播賽事？他說：「簽咗合約先，啲人online講話有賠率，如真有外圍要受埋我，鍾培生KO林作，100賠101，我都all in買我KO條X頭。」
