錢嘉樂昨日有份與任達華、方中信及周家怡等出席《金手指》記者會，談到恩師曾志偉返無綫救亡，有指會重做《獎門人》等經典遊戲節目，有否被志偉召喚幫手？錢嘉樂說：「畀佢返去開咗啲會先，佢呢排都好忙，但我哋有見過面食過飯，其實都好嘅，有啲新氣象，我覺得都需要！」「橋王」何麗全有否出席飯局？他說：「唔喺度，我哋自己朋友當開年，大家都冇傾工作，但如果佢（曾志偉）叫到，我一定隨時候命。」
另外，方中信大讚新戲製作認真：「故事都幾特別，80年代同𠵱家嘅社會氣氛係完全唔同，導演肯寫呢個劇本，喺咁艱難嘅情況下，都有老闆投資，因為所有景要搭過晒，真係幾用心去做。」周家怡則透露跟劉德華對手戲較多，見到兩大影帝的確較為緊張，她笑言開工就會淡定一點。而姜皓文亦感到大壓力：「對住佢哋有唔同嘅演出方式，好大壓力，因為好少機會可以同呢啲陣容演出，好興奮。」