【爆相爆片】29歲「十優港姐」麥明詩跟林作在2016年分手，近日林作被百億富三代鍾培生挑機以100萬打擂台隻揪，就連麥明詩爸爸在林作fb留言：「打！應該幾好睇。」事件令網民議論紛紛，留言：「鍾培生係咪追緊麥明詩？所以想打林作！」
身為當事人的麥明詩近日傳與前飛機師盛勁為拍拖，日前《蘋果》讀者黎小姐透過「爆相爆片」，直擊麥明詩與盛勁為在西九海濱長廊野餐，黎小姐說：「個男仔都好大隻，好多嘢講，麥明詩大部份時間都係聽個男仔講嘢，個樣好冧，明顯係一對情侶。」麥明詩昨回覆傳媒時未有否認，她說：「同朋友傾偈啫，呢排抗疫，多啲喺戶外。」問到有沒有留意林作與鍾培生的「百萬擂台戰」，以及致電關心林作？她說：「冇關心，期待成事。」
