【本報訊】教育局最新公佈約200多所學校下周一起可全面復課,當中約半數為幼稚園。不過有幼稚園校長指出,局方限制全日班及上午班只可於上午上課,校方不能分流部份幼兒到下午,部份學校惟有安排逾百幼兒全擠於上午上課,以目前校舍的有限空間實難以保持社交距離,恐增播毒風險,罔顧幼兒安全:「根本將小朋友『較飛』,博一次睇吓中唔中,將個波射去學校,(如果)有人真係確診,間學校就慘。」
教育局規定學校全體教職員必須定期接受武漢肺炎檢測,才可申請復課。當局昨日表示,目前有200多所學校申請全校恢復半天面授課堂,當中一半以幼稚園為主,餘下為補習學校,大部份申請的生效日期為下周一(22日)。
有大型辦學團體屬下全日制幼兒園教師擔心,逾百名幼兒全擠於上午上課,增加播毒風險:「原本先前復課,我哋可以上、下午各有一半小朋友,每張長枱有隔板坐兩名學生,以維持社交距離。𠵱家只容許半天上課,是每個班房三十多名小朋友,其實更危險,就算全體教職員做檢測也無補於事。」
另有不願具名的校長指,若全面復課,上午班及全日班學生合共近二百人只能全部擠在上午上課。她的學校暫維持三分一學生復課,各級別分組隔天上課。她表示業界最擔心誰先「中招」,因不少學生陸續從內地回港上學,就算教職員定時檢測亦徒然。她不諱言,當其他幼稚園相繼全面復課,將令不少堅持只安排三分一學生面授的學校受壓:「家長一定覺得教師唔肯做檢測,我哋唔抗拒做,問題係做咗根本杜絕唔到傳播風險——𠵱家不是大公司復工,好輕率全面復課,係影響幼兒!」
教育局稱,幼稚園可安排上午及全日班個別級別學童,於上午回校上課不多於半天,下午班則可下午回校上課不多於半天。如個別設全日班的幼稚園有合理原因需特別安排,可與局方商議。
家庭醫生鄭志文指出,幼稚園全面復課難以維持指定社交距離,或增加播毒風險,關鍵在於幼兒難以控制:「太長時間冇返學,返到學校會容易喊,自然有口水鼻涕,又會自行除口罩玩,佢哋好乖坐到一陣,好快就同隔離同學玩,學校係咪有足夠人手看管?我覺得需要留心。」他建議學校須更頻密清潔枱面及玩具。