政權打壓港台有目共睹,該台原本有個節目叫《香港故事—香港病了》,原先訪問咗《十年.自焚者》導演周冠威,內容圍繞反修例運動,但成個節目要押後至嚟緊周日播出,首集不單未能以周冠威打頭陣,有傳最新「打壓」港台招數係要求節目改名,新節目最後名為《香港故事—疫行者》。
點解突然改名?港台回覆稱,由於正值新春,所以易名《疫行者》,但《香港病了》四粒字唔見咗,唔通呢四個字太唔吉利?港台話網頁已作更新。
節目首集梗係冇周冠威,改為訪問風水命理師,由佢哋講述客人關心嘅唔再只係自身感情、健康或財富,而係考慮移居他方;另一風水命理師就免費為犯官非嘅年輕人趨吉避凶。唔知節目改名,又會否令港台逃離被打壓厄運?
李八方