除咗法甲，荷甲亦都係我呢排主戰場，之前品題過嘅阿爾克馬爾（AZ）同飛燕諾，上周聯賽都齊齊大勝，幫我搵到多少新年財。今周兩隊都作客，形勢上就有啲唔同，阿爾克馬爾作客中下游嘅芬洛，有力繼續炒，「讓球主客和」「客勝」可以捧場。
荷甲名牌就一定係阿積士同燕豪芬，莊家開呢兩支球隊嘅盤都零舍辣，相反AZ同飛燕諾都只係中上游分子，有實力但唔係好超級，所以盤口就親民好多，好似上輪兩隊都主場出擊，只不過讓一球/球半，結果都大勝而回開到上盤。AZ星期六就會作客芬洛，揀定[-1]「客勝」就最安心。事關AZ呢隊波都相當正氣，作客戰績唔錯之外，今季12場勝仗，有7場都淨勝對手2球或以上，就算家陣排第三俾榜首阿積士遠遠拋離，不過都要同第二位嘅燕豪芬爭歐聯席位，鬥心一定有。
飛燕諾都係我近期比較追捧嘅荷甲球隊，上仗雖然大炒威廉二世5:0，但過程唔算太輕鬆，上半場尾段先入到波，始終隊波由艾禾卡特帶隊，一向以防反為主，要強攻真係唔算擅長。下周日佢哋就作客川迪，川迪喺荷甲嘅防守力算係數一數二，近4仗竟然有3場冇失波，兩隊都算中上游隊，大家都唔想出錯先，所以入波未必多，「入球大細」中位數如果有[3/3.5球]，可以諗吓「細」。
文：Goal進
截稿前馬會尚未開盤，盤口僅供參考，讀者記得留意足智彩網頁。
1. 阿爾克馬爾是荷甲唯一一支作客不敗球隊，11戰累積6勝5和。
2. 川崎前鋒上季連同盃賽在內三戰飛腳全勝，入七球兼不失。