因為爭取公義尋覓真相，為香港民主運動官司纏身嘅民主黨前立法會議員林卓廷，早前賣樓套現1,268萬，以應付子女升學開支同龐大訴訟費。噚日原來就係阿廷嘅搬屋日，佢喺fb上載搬屋工人搬傢俬嘅相，言談間不無感嘆。
阿廷話呀，喺沙田翠湖呢個單位住咗10年，「其間經歷辭任廉署、重返民主黨、孩子上小學中學、佔中運動、當選區議員、立法會議員，反送中運動、721遇襲、總辭」，要數最深刻，當然係三度清晨家中被捕，「誣衊我暴動、顛覆、披露廉署調查……」
幾經風雨，終於要同呢間屋別離，但佢話唔後悔，叫朋友唔使替佢擔心，「路我是自己選擇的，我會繼續昂首前行，無愧、無怨、無悔！」唔少網民留言多謝佢嘅付出。
李八方