戲院放寬營業，劉德華夥拍劉青雲的《拆彈專家2》今日開畫。華仔早前在九龍灣接受訪問，他指去年檔期完全取消，三部戲和兩個演唱會都延後，但照計劃今年會開騷，華仔說：「2020年嘅檔期全年冇咗，前年拍完《人潮洶湧》，之後所有戲都冇開。」《拆彈2》製作費超過二億港元，對於疫巿上映，他說：「我諗老闆都係諗蝕住做，冇得控制。」與劉青雲20年前合作《嚦咕嚦咕新年財》，華仔說：「咁多年冇同青雲一齊演戲，擔心唔係好配合，今次搵佢覺得有少少壓力，但拍出來好有默契，感覺特別能打動人。」
華仔笑指疫情下主要工作變成增肥，他說：「食嘢密咗，運動越來越懶。疫情停工時間陪女網上學習，無端端好似重新再讀書。」他笑指增加了責罵女兒的機會：「我係『yes爹哋』，但係都頂唔住，好多父母都明白我嘅心態。」