恒指一口氣衝上31000點，如北水上星期二暫停後，4個半交易日累積升幅達1,765點或6%。今日A股復市，北水回歸，究竟係沽壓湧現抑或更上一層樓，好快就知結果。最好劇本係好似噚日咁，低開後一級級上番嚟，都係嗰句，hope for the best and prepare for the worst！
新股諾輝（6606）今日上市，令市場驚訝的是分配結果，公開發售超購逾4,000倍，一手中籤率僅2%，認購200萬股始穩獲一手，涉及資金達5,000萬元，名副其實賺埋都唔夠畀息。細飛難中大飛蝕息，新股遊戲越來越難玩，相信要趕走一批人，情況始能改善。
周二在午市急Call節目推介鐵貨（1029），三扒兩撥升抵目標價。另一隻在fb提及的嘉泓物流（2130），亦成功企穩高位。京東集團（9618）分拆京東物流再進一步，嘉泓有影子概念，預期會翻叮再翻叮。集團早前預喜，全年經調整純利增長不少於1.5倍，京東物流估值超過3,000億元，嘉泓市值只得18億元，資金瘋搶下其實好好炒。破頂不估頂，下面望住均價約7元操作便可。
唐牛