【本報訊】被勒令停業多時的美容院、健身中心及按摩院等行業今日終於重開，有商戶指復業前已「山窮水盡」，雖然對重開後生意不寄厚望，但仍加強消毒。有按摩店獲熟客支持，今日全日預約爆滿，但東主擔心疫情反彈將再次停業，亦有店主狠批復業新措施「零指引」，限聚令下擔心復業後生意亦有影響，十分無奈。
美甲店負責人Cleo表示，政府復業安排不周全無指引，簡單如索取「安心出行」二維碼的方法，都只靠行家之間口耳相傳。Cleo的店舖在旺角開業一年多，疫情下已經歷四次停業，對今次復業未抱太多期望。她指不少美甲店停業期間手停口停，但政府支援不足，同時又未向業界公佈詳盡防疫措施，令人無所適從，「小型舖頭政府真係冇乜額外支援，錢都算，但指引真係好需要」，批評政府在抗疫上未有在收窄源頭着手，所有新措施都是做騷。
同樣停業已久的健身室亦於今日重開，灣仔一間健身室的負責人Linus，昨日已返回健身室消毒準備復業。他指出，健身室雖已按照政府指示做足準備，但現時只收到約四成學員或客人的預約，對復業後的生意毫無信心。
「𠵱家仍然有限聚令，咁點做小組訓練呢，所以只能夠安排二人小組，都唔知兩個人算唔算運動小組」。他嘆停業期間，每月白交10萬元租金，負擔極重，只祈求今次復業能夠做到收支平衡。
旺角按摩店東主蕭先生則指出，今次政府推行復業太倉促，事前無通知業界，連業界員工要做檢測都是從報章得知，感到無奈，「睇新聞先知話初七前要做檢測，之後又係睇新聞先知下個星期做檢測都得，唔睇根本冇人知」。
蕭先生指出，停業多月未有收入，為保住一眾員工仍然照出糧，現時身家只剩2,100元。他擔心疫情反覆，今次復業不久，又可能再要面對多一次停業。不過，令他安慰的是，一班熟客得知今日復業後，已即時來電預約，令所有時段爆滿，因此昨日他急急找來清潔公司，再為店舖徹底消毒，迎接復業。