因為去年6.21包圍警總案被判監嘅前香港眾志成員周庭，喺獄中只能靠睇書、聽收音機、睇信嚟解悶，噚日終於傳嚟好消息，就係周庭有望6月出返嚟。
周庭嘅社交網站專頁admin噚日出post話，新年期間有朋友探過周庭兼向佢拜年，周庭講起近排嘅生活，就係啱啱睇完《挪威的森林》，遲啲打算再睇村上春樹同埋東野圭吾嘅書。
講到獄中生活時，周庭答謝大家關心之餘話：「坐監期間，精神和身體狀況都吃不消。希望6月出冊後可以暫時休息，休養身體。希望可以有休息空間。」言語間透露咗佢有機會喺6月出返嚟。話就話6月距離𠵱家只有四個月，但係獄中嘅日子並唔易過，尤其是周庭今年初先至被送去用嚟監禁甲級犯嘅大欖女懲教所，只能夠寄望佢可以頂住。
李八方