【爆相爆片】ViuTV真人騷《全民造星III》參賽者張凱娸（KiKi）和劉瑞祈（KLau）早前公開戀情，《蘋果》讀者何先生透過爆相爆片，直擊日前晚上11時半見到二人在馬鞍山恆泰路一處幽靜位置談心，情到濃時還嘴對嘴錫錫。何先生說：「佢哋行上我前面架車度，上車之後一除低口罩就錫，錫咗成半分鐘，之後一齊煲煙，我估唔到原來KiKi都食煙，最搞笑係佢哋一食完煙之後又即刻咀，第二次都錫咗成半分鐘。」
該處近馬鞍山海濱長廊終點，二人逗留了近20分鐘才開車離開。《蘋果》向KLau了解，他透過短訊回覆：「多謝讀者嘅關心，我同KiKi喺藝術上、性格上都好夾，經過認識之後好自然地了解丶發展，但關係剛剛先萌芽，本來都想穩定啲先公開。」
