今仗着住簡體字波衫賀歲嘅國際米蘭，喺禮拜日意甲憑盧卡古交出2入球1助攻，以3:1輕取拉素升上意甲榜首。今仗大勇嘅盧卡古先喺22分鐘射入12碼先開紀錄，再喺完半場前半「窩利」射入佢今季聯賽第16球入球，而呢球亦係佢職業生涯總入球嘅第300球。拉素換邊後成功憑罰球破蛋，但國際再有拿達路馬天尼斯奠勝，以3:1贏波上榜首。