英超護級分子富咸,喺禮拜日憑嘅祖殊馬查梅開二度,爆冷作客以2:0擊敗愛華頓,結束12輪不勝走勢。兩隊上半場互交白卷,富咸新兵祖殊馬查喺48分鐘成功破網,首次為富咸正選披甲就有波入,到65分鐘,呢位22歲前鋒成功執雞攻入佢第2球,富咸領先2:0。「拖肥」喺78分鐘一度有祖舒亞京治入波,但越位在先慘食詐糊,最終以0:2輸波。