英格蘭領隊修夫基喺上禮拜六，去咗睇李斯特城3:1擊敗利物浦嘅英超賽事，占美華迪仲入咗粒帶領李城反勝。雖然華迪2018年已經宣佈退出國家隊，不過34歲嘅佢依然「弗」爆，今季聯賽已經入咗12球，有報道話修夫基一直有同華迪保持聯繫，等華迪回心轉意返國家隊效力，以華迪今季咁好嘅狀態，唔揀佢踢歐國盃決賽周真係講唔過去啦！