車公無裝安心出行，要實名登記才能入廟。工作人員阻頭阻勢問車公幾號電話，頂，老馬有火的車公反問：火燭你打幾號電話呀？職員淨係識高官座駕，唔知着晒火的嬲嬲豬係邊位高人。身旁的蝙蝠俠一樣因為冇碼，冇手機，唔俾入廟拜神。蝙蝠俠講過N次，宣埋誓話自己與武漢無關，過去一年仍然俾人點相篤灰，人人喊打。為了生計，他打算賣掉蝙蝠車搞移民，問車公識唔識人接貨。
兩支公拎住風車吹水，45號中簽搞邊科呢？蝙蝠俠說頭一句至警世，預告了邊個做特區老頂。「車！係人都知至頂嗰個係西環！」車公飲大咗，蝙蝠俠叫他收油，細聲少少，解簽日：「下手須教一著先，拆字砌過，就是：先下手……為強！邊個強？唔通係劉鄉紳業強咩！最後一句，識者能知火未燃，拆散砌過搵到：火未能識（熄）。」車公私藏火牛，近年籤文一擊即中，一撻即着，暗忖自己手車無論入乜波，就算入兆波，国安法下，前路會苦徒然。車公心淡，想跟蝙蝠俠齊上齊落5+1，簽約車路士好冇呢？車仔擁躉話，屬上吉，有寰轉。