楊洛婷昨日在Ig宣佈陀第二胎，其樂隊Dear Jane主音老公黃天翱（Tim）在Ig以英文留言說：「是的，我太太懷孕喇！」二人現時育有三歲囡囡黃子霏（Tanya），楊洛婷坦言未知今胎性別，表示仔女都最緊要健康。她將懷孕過程放上YouTube頻道分享，並指陀今胎一點都不輕鬆，她說：「陀囡囡時我冇乜唔舒服，食得瞓得，但陀今胎，第四周已經覺得好暈，第六周便秘好嚴重，第七周直情食唔到嘢落唔到床，之後去嘗試針灸，個人先舒服啲。」
Tim則表示：「短短時間已經收到好多朋友嘅祝賀同關心，感激！好開心呢個新年有一個好開始，藉着今日情人節同大家分享呢份喜悅，希望所有人都開開心心。疫情未過，太太呢段時間陀BB要特別小心。」