譚凱琪（Zoie）昨日在互聯網貼上與36歲壽星女楊愛瑾（Miki）吃生日飯的照片，Zoie昨日出席活動時，表示跟Miki老友多年：「其實我同Miki係識咗好耐，都超過十年，差唔多每年都會同佢過生日，今年就提早咗，因為佢生日係今日嘛，要留返畀我老公，所以就要提早同佢慶祝 。」
兩人都是人母，Zoie大讚Miki是個「賢內助」，二人不時會交流一下育兒心得，她說：「因為佢經驗比我多嘛，好多關於小孩子嘅嘢都會問佢，因為有時細路臉上有點點好似有啲過敏，我會影相畀佢，佢就憑經驗去回答我，所以有一啲有經驗朋友，係必須。」談到昨日情人節，Zoie表示未準備好晚餐煮甚麼，但能跟家人在一起，平平安安，就是最快樂。