鄧麗欣（Stephy）因疫情關係，去年工作重心主力在香港，農曆新年留港度過，Stephy在尖沙嘴接受《蘋果》訪問時，表示今年農曆年有另一番體會，她說：「諗返轉頭，原來我好耐都冇喺香港過年，試過最多係年初一留一日，陪吓媽咪，之後就飛走咗，今年係留得最耐嘅一年。」難得女兒在身邊，似乎最開心的是Stephy媽媽：「哈哈，佢嫌多呀，成日問我點解仲喺屋企。」問到會否減少被催婚機會，她笑說：「冇喇，佢哋唔會催婚，已經放棄咗。」
隨着疫情逐漸有緩和迹象，部份工作有望在農曆年過後開工，Stephy說：「我都好期待工作嘅來臨，但大環境冇得自己諗，暫時做好自己，做定準備。」今年會否再拍劇，Stephy笑說：「一定會，我都等緊劇本。」