張寶兒同袁偉豪噚日度過婚後首個情人節，寶兒喺Ig貼出一張着住桃紅色吊帶裙、紅色絲襪嘅相，仲寫咗幾句《熱咖啡》歌詞，話唔去拜年，反而留喺屋企同老公煮咖啡。
陳靜（DaDa）噚日收到一大紮玫瑰花，雖然未有提及邊個送，但見佢甜絲絲伏喺玫瑰花上影相，又以英文留言：「Happy Valentine’s Day！」就知佢甜到入心。
李嘉欣嫁入豪門12年，同老公許晉亨誕下一子，一家三口幸福滿瀉。噚日李嘉欣公開合照放閃，許晉亨情深款款望住佢，老夫老妻，一直盡在不言中。
新婚兼大肚嘅余香凝攬實老公陸政渡，並公開肉麻宣言：「喜歡看見你笑，看見你笑我就覺得好幸福，愛你！希望大家都找到幸福！」
