溫碧霞（Irene）由15歲入行至今40年，歲月不饒人，幸好Irene得天獨厚擁有好身材，外貌保養得宜，一直喜歡騷鎖骨散發性感。回顧入行多年起落，最重要還是找到好歸宿，她說：「我人生好精采，15歲入行開始拍戲，有最紅同低落時候，乜都經歷過，𠵱家我嘅事業同家庭都係最佳狀態，有一個好幸福家庭、好錫我老公、有個好乖小朋友，工作仲係有好多夢想，成立咗自己工作室。」
之前Irene貼豪宅騎馬相，令網民誤會是她的豪宅，原來只是內地朋友的家，雖然在內地沒有物業，但愛買「磚頭」的她，早年已於香港、日本和峇里島置業，共擁四層樓，堪稱圈中富婆：「除咗投資外，我冇乜要花錢，買樓可以保值，好開心香港有兩間屋，日本、峇里島係我好鍾意嘅地方，已經好滿足。」