人氣男子組合MIRROR經理人黃慧君（花姐），日前接受電台訪問時大談MIRROR感情事，她說曾鼓勵單身的姜濤拍拖︰「一個人冇愛情滋潤會好蠢，你點唱情歌啫？但佢工作太忙，同埋佢性格，你同佢傾偈，邊有女仔會對佢有興趣，但緣份又冇得勉強。」至於陳卓賢（Ian）撻着混血索模盧慧敏（Amy），花姐說事前已知：「當然我唔希望公開拍拖會影響佢事業，所以叫佢哋低調啲。」
對於一直被指12位成員中偏心姜濤及Ian，花姐直認：「最初以為冇偏心，好公正，但姜濤接觸佢多啲，Anson Lo（盧瀚霆）喺比賽前已經識，欣賞佢才華，又好鍾意Anson Kong（江𤒹生）嘅性格，係有少少偏心，但唔會影響喺工作上。」更坦言《叱咤》後，擔心姜濤得獎受攻擊。