新春喜慶，唔少藝人都一家穿上賀年裝同大家拜年，今年1月1日宣佈陀B嘅沈卓盈，噚日着住紅裙挺大肚向大家拜年，雖然預產期喺年中，但佢陀得輕盈。
陳豪同陳茵媺噚日一家五口穿上賀年裝，夾好對白同大家拜年，大仔梓燁及二子浩鋒表情趣致，而細女Camilla高聲尖叫，過於嘈吵，幾乎俾父母開年。
鄭嘉穎同太太陳凱琳將兩個囝囝打扮成「利是封」，陳凱琳話帶住兩個細路去拜年一啲都唔簡單︰「不過長輩見到佢哋就開心到暈低？所以一切都係值得嘅！」
張致恒一家連埋狗狗穿上賀年裝出post，留言︰「祝大家新年快樂，希望大家日日是好日！」對於之前曾被借錢唔還，仲要去酒店炒散做廚腳嘅佢嚟講，應該都係佢心聲。
