【本報訊】昨日是車公誕，不少市民到沙田車公廟祈福，昨晨7時許已有近百名善信排隊進廟。今年車公廟首度要求巿民進廟前須使用「安心出行」應用程式或填寫個人資料，惟不少人拒用安心出行，寧願排隊登記資料。有年輕人笑言「唔識用」，即使將來安心出行全面推行，會盡量避免使用，以免被政府監察行蹤。有善信亦指「信唔過政府」，拒絕使用安心出行。昨日共有26,539人次進入車公廟，較去年同日的47,162人次勁減44%。
新春期間，車公廟實施單向人流管制，進廟人數不多於可容納人數上限的一半。進廟人士要量度體溫、佩戴口罩及掃描安心出行二維碼。記者在廟外觀察，近百名排隊的市民中，僅小部份人使用安心出行，登記資料的一邊有近百人排隊。有長者直言掃描二維碼「好麻煩，都係登記（資料）算」。
市民徐先生選擇登記個人資料進廟，笑言「我唔識用嗰個app（安心出行），唔方便」，認為程式有網絡安全隱患，權限過大，「例如會track（追蹤）你嘅行蹤，或者係你瀏覽器用緊咩，我唔明點解一個app會睇晒你所有瀏覽器」。對於政府擬全面實施安心出行，他形容是政府溫水煮蛙的招數，「香港人唔可以慣」。
市民邱先生直言「不嬲都唔用呢啲嘢㗎喎」，認為保護個人私隱十分重要，「係信唔過政府」。他稱日後即使政府強推安心出行亦會避免使用，「最多買外賣返去食囉」。
車公廟今年實施單向人流管制，善信如要到廟外的車公誕市場購物，須先排隊入廟才可通往市場。風車檔檔主曹先生指實施人流管制及限制使用安心出行後，今年人流是擺檔13年以來最差，生意勁減80%。
賣風車及香燭的方先生在車公誕市場擺檔近30年，坦言今年「生意麻麻哋」，較往年急跌七成，「預咗㗎喇，今年疫情關係都預咗」。
擺檔賣玉器10多年的錢先生指「其實行車公廟嘅人好多，但佢有限制人數，所以拜完神就直接喺出面走咗，入嚟市場就唔多人」，店舖丁財皆不旺，惟他會繼續開檔，「做開車公廟嘅緊係一路做落去啦，賺到錢就更好，但就咁拎返個成本都唔緊要，車公保佑吖嘛！」被問到是否應開設一條通道予市民進出市場，他指「咁就緊係最好啦」，又指有商販曾向警員要求，「但係⋯⋯結果都係咁上下啦」。
車公廟今日開放至下午6時，年初四至正月十九由早上7時開放至下午5時半。
