英格蘭北部國家聯賽球隊車士打球迷組織，周四舉行Zoom視像會議（圖），畀170多個球迷同球隊領隊商討球隊未來方向，點知會議俾黑客入侵，色情畫面佔據成個螢幕，連累要提早終止呢次網聚。組織會議期間已表示受到「不明外部干擾」，隨後喺結束會議後發聲明：「由於今晚嘅Zoom會議上出現令人反感畫面，我哋被迫提前結束會議，亦想向所有受冒犯嘅人致歉。」
