踏入牛年，佘詩曼（阿佘）化身牛仔女郎，祝大家心想事成、身體健康、遠離疫情，牛年行大運。去年工作上十分充實的她，終於趁農曆新年放假休息一下，跟親友共度佳節。阿佘說：「希望可以同屋企人一齊慶祝，我上個月尾返香港，因為疫情關係，無得好似之前咁一大班朋友聚吓，不過都好開心，尤其媽咪每日都問我想食乜嘢，又煲老火湯俾我飲，好正，估計我應該肥兩、三磅。」
近幾年事業得意，愛情上仍等待好姻緣，問到阿佘今年可會想行桃花運？她甜笑說：「我前日行花市見到棵好靚桃花，有買返屋企擺，承大家貴言，其實我心態真係隨緣，良緣天賜嘛！遇到就拍，2020年全年受疫情影響下，令我更加唔會想得太遠太多，無論邊方面嘅計劃都趕唔上改變，所以只會活在當下，珍惜擁有。」至於工作大計，她說：「希望可以拍到個我好喜歡嘅時裝劇或者電影。」