林芊妤影新年相都離不開瑜伽甫士，囝囝「伯伯」着住金色醒目賀年裝束，好似樹熊爬喺媽媽腳上仲做出鬼臉㖭，呢對母子非常合拍。
林珊珊大女李澄（西瓜）話婆婆新年前一句「無出息」，噚日即刻同舅父林海峰拉起揮春「人人有出息 牛年食爆棚」，令牛年命運瞬間改寫。
方力申趁新年，「紅斗斗」陪爹哋媽咪到大埔佛寺行大運，祈求一家人遠離病業，身體健康，福慧雙收，生活美滿。
有子萬事足嘅古巨基分享親子甜蜜相，抱住囝囝Kuson嘅佢，為咗應節，幫Kuson畫上牛角應一應節，非常搞笑。
黃智雯噚日大年初一祝大家桃花滿滿，佢仲睇中一棵寫上「美麗動人 愛情甜蜜」的桃花影相，不過有fans留言叫佢要「結婚快快」。
