黃夏蕙昨日化身「牛魔王」，由兩契女艾美琦和李紫彤充當鐵扇公主護航到黃大仙上香祈福。為了兌現承諾完成12生肖造型，夏蕙姨花費三萬元打造服飾現身：「唔想大家失望，個個話冇咗隻牛，所以幾個月前已經安排。」
未能上頭炷香，夏蕙姨無奈接受：「都冇辦法，惟有今日嚟，祈求世界和平，疫情快走，人人身體健康有財富。」夏蕙姨前晚應邀到港台跟鄧達智分享年三十晚過年傳統，夏蕙姨說：「最初冇特別打扮自己，但係啲香就燒燶頭髮，又俾人扯甩髮。有年生肖屬狗，就整頂狗仔帽，點知小朋友睇得好開心，之後就每年花心思去裝扮。」鄧達智稱讚夏蕙姨是香港新年icon，無人能及。