求驗客手記:阿積士兵另類撐犯禁門神

求驗客手記:阿積士兵另類撐犯禁門神

荷甲阿積士門將奧拿拿因通唔到藥檢,上周俾歐洲足協罰停賽一年,成班阿積士隊友日前就着上佢嘅24號波衫(圖)聲援,坐喺觀眾席嘅奧拿拿睇到後,不禁會心微笑。奧拿拿去年10月因食錯老婆嘅藥物,隨後喺藥檢被驗出尿液有興奮劑,雖然奧拿拿並非特登違規,但歐洲足協仍判佢禁賽一年。阿積士日前喺荷蘭盃主場迎戰燕豪芬前,球員賽前熱身全隊着印有奧拿拿名嘅24號球衣撐佢。最後阿積士2:1贏燕豪芬。