傅嘉莉前日上載手寫揮春的短片，獲網民大讚︰「手字靚到呢」，之後又分享勁有賀年feel嘅手機殼，仲留言話新一年要學畫塑膠彩︰「嘗試了第一次Acrylic painting仲被讚有藝術觸覺，勇敢下筆好好玩。」
新年大眾最想發大財，郭偉亮最近搞咗個《Round Table Poker圓桌德州撲克》頻道嚟應節，不過近日佢拍片鬧同事阿軒︰「你知唔知我差啲心臟病，我阿叔、老豆、大伯、我阿婆、阿嫲全部有心臟病……」之後仲key咗張全家福出嚟。
今年情人節係大年初三，2015年港姐亞軍龐卓欣經常同金融才俊男友Patrick放閃，兩人日前更孖住拍情人節廣告，帶埋愛犬去山頂廣場拍拖。
前日年廿八，樂瞳喺Ig貼出運送桃花相，自嘲話︰「桃花搬運工人獲得酬勞椰青乙個」，又問大家洗咗邋遢未。相中嗰株桃花似乎仲高過佢，今次認真辛苦晒。
