今日是農曆年三十，即使今年對香港人來說十分難過，但大家仍抱住希望迎接牛年，由於限聚令及疫情未過，季陶朋友改約用電話甚至Zoom拜年，有專業界人士笑言，今年拜年主要話題，「都係離唔開移民、買咗幾時機票飛、仔女搵咗當地學校未」，又說關心這個議題的未必只是「舊香港人」，他認識一些「新香港人」也對加拿大的「救生艇」計劃充滿興趣，「我識幾個後生、啱啱做咗永久居民嘅新香港人都躍躍欲試想去申請」。
該專業人士說，英國BNO 5+1方案只針對BNO持有人，「其實可以申請嘅人係有數得計，基本上1997年後出世冇得申請、新移民亦冇」，但加拿大的救生艇計劃容許持特區護照港人申請，「其實涵蓋範圍仲大過BNO 5+1方案，可能吸引嘅港人移民更多，但北京似乎唔係好鬧加拿大個方案」。
他又說，由於加拿大方案容許持特區護照港人申請，1997年後出生的年輕人固然受惠，但連帶一些新香港人也受惠，公司早前有一些新香港人向他查詢有關計劃，想看看能否申請，「佢哋好多人係高學歷又後生，有啲喺外國讀完書唔想返內地，喺當地又冇方法搞移民，改為嚟香港做嘢兼申請做埋香港人，𠵱家加拿大有個咁寬鬆嘅移民計劃，梗係試吓」，而且這些新香港人在海外親友、同學關係網較港人更強，「分分鐘佢哋喺加拿大搵到工嘅機會比香港人更大」。他笑言，若從吸走香港人才而論，「加拿大可能較英國嘅方案似乎更有針對性，隨時吸走更多香港年輕嘅人才」。
農曆年假期間季陶會放假，今個月22日再同讀者見面，先預祝讀者新一年平安幸福，萬事如意。
季陶
周一及周五刊出